മറവികള് കൂട്ടിവെച്ചൊരോര്മയുണ്ടാക്കാം
എല്ലാം മറന്നുപോയെന്ന്
പറഞ്ഞ വാക്കുകള്ക്കിടയില് മറവിയുടെ വിള്ളലുകള് വീണ്
തമ്മിലടര്ന്ന്, അകന്ന്
ഇനിയൊരിക്കല് കണ്ടാല് തിരിച്ചറിയില്ലെന്ന്
അറിഞ്ഞാല് തന്നെ
അര്ത്ഥം ചോര്ന്നു പോയെന്ന്
ഇനിയും
വിഷമം, ചേര്ച്ചയില്ലാത്ത രണ്ടിനെ
ചേര്ത്തു ചൊല്ലലെന്ന്
ഓര്മകള് ചേര്ത്തുവെച്ചൊരു മറവിയുമാക്കാം
തട്ടിന്പുറത്തെ ഓട്ടുവിളക്കുപോലെ
ഇറങ്ങിയൊഴിയുന്ന ചവിട്ടുപടികള് പോലെ
പരേതന്റെ പാപങ്ങള് പോലെ
പാലം വന്ന കടവിലെ തോണി പോലെ
അസംഗതമായ തിരുശേഷിപ്പുകളുടെ
സങ്കലിത ശൂന്യത
ഒറ്റവെട്ടിനിരുമുറിയാത്ത
വേരിലേയ്ക്കു നീരിറങ്ങുന്ന നോവ്
ദൈവമേ,
മിന്നിമാഞ്ഞതൊക്കെയും നീയെന്ന
കണ്ണിലെ മരുപ്പച്ചകള് തോരുന്നതെന്നോ ?
എല്ലാം മറന്നുപോയെന്ന്
പറഞ്ഞ വാക്കുകള്ക്കിടയില് മറവിയുടെ വിള്ളലുകള് വീണ്
തമ്മിലടര്ന്ന്, അകന്ന്
ഇനിയൊരിക്കല് കണ്ടാല് തിരിച്ചറിയില്ലെന്ന്
അറിഞ്ഞാല് തന്നെ
അര്ത്ഥം ചോര്ന്നു പോയെന്ന്
ഇനിയും
വിഷമം, ചേര്ച്ചയില്ലാത്ത രണ്ടിനെ
ചേര്ത്തു ചൊല്ലലെന്ന്
ഓര്മകള് ചേര്ത്തുവെച്ചൊരു മറവിയുമാക്കാം
തട്ടിന്പുറത്തെ ഓട്ടുവിളക്കുപോലെ
ഇറങ്ങിയൊഴിയുന്ന ചവിട്ടുപടികള് പോലെ
പരേതന്റെ പാപങ്ങള് പോലെ
പാലം വന്ന കടവിലെ തോണി പോലെ
അസംഗതമായ തിരുശേഷിപ്പുകളുടെ
സങ്കലിത ശൂന്യത
ഒറ്റവെട്ടിനിരുമുറിയാത്ത
വേരിലേയ്ക്കു നീരിറങ്ങുന്ന നോവ്
ദൈവമേ,
മിന്നിമാഞ്ഞതൊക്കെയും നീയെന്ന
കണ്ണിലെ മരുപ്പച്ചകള് തോരുന്നതെന്നോ ?
മറവികൾ കൂട്ടിവച്ചൊരോർമ്മയുണ്ടാക്കാം. Good....
ReplyDelete